close
頂禮拜四是我佇響鼓社第一擺的成果發表會，對準備到表演結束的每一个環節阮攏非常的用心，每一擺的練習雖然攏真辛苦，但是阮攏總是甲食苦當作食補，盡心希望會使有一個美滿的演出，每一位社員攏付出真濟的耐心練習，嘛犧牲真濟的假日勤苦練習，只為著一个目標就是想欲予觀眾有一場真有水準的表演，雖然佇咧準備這場表演時，阮拄著真濟難關，譬喻講表演時阮需要一寡仔燈光，但是阮社團內面的經濟並無法度支出遮爾大條的開銷，所以阮必須共附近的店仔搝贊助，但是店仔的參與一開始並無真熱烈，毋過好佳哉後來社員四界走傱搝贊助，予阮總算是會使度過這个難關，成果發表會這工，佇台頂我看著台下徛了滿滿的觀眾，我真歡喜，因為有in的參與，肯定了阮的能力，最後我相信一場表演雖然結果真重要，但是伊的準備過程才是上美好而且是會使予阮學習著閣較濟物件的。
全站熱搜
留言列表
