close
自細漢阿媽著定定共我講,毋管是冰的抑是涼的,啉飲料愛含佇喙哩,予飲料較燒露淡薄啊才會當吞落去,一講著是10年矣,所以這个慣勢十外年來攏無改變.
大學矣,看的人比以前閣較濟,我發現佮我的體質相仝嘛愛啉飲料的朋友,in的健康和我比起來差足濟,in但「生理期」來的時,攏會疼佮生不如死！（講耍笑的）毋過講誠實的,因為阿媽的叮嚀,予我這个愛啉飲料的孫,比起別人實在是真健康！
毋過今仔日毋知敢是熱過頭矣？買一杯「冰沙」,無注意著愛用本來的習慣,佇教室但啉但吹冷氣,一直啉攏無歇睏,2節課了後,行出去外口竟然頭殼疼！！看影片啉飲料是快活的代誌,紲袂記我咧啉尚冰的「冰沙」,啊啊！頭疼啊！
全站熱搜
留言列表
