Hongtin Tsok-gia̍p bāng

我頭一擺去看台灣的台語舞台劇，進前佇台北有看過"屏風表演班"的舞台劇，佇國家戲劇院演出。
這擺去台中中山堂看本土語言的"浮浪貢開花"是一个新的體驗，佇台中看戲嘛是新的經驗，去頭一
遍去的所在看頭一種戲，看來佇台中我閣有足濟物件會使體驗著！
浮浪貢開花是一齣真趣味的戲，會使聽到足濟三、四十年前的老歌，有台語嘛有國語，我感覺演ＴＡＣＯ
的副導演真正足厲害矣，伊共ＴＡＣＯ彼款...俗俗的國語表現了真好！共伊佇黃金海賊王演甲必丹
的感覺完全無同款， 演愛將的彼个女演員嘛真厲害，一个人演足濟个角色，而且閣共每一个角色
演佮足好足趣味！其實我對演戲嘛有淡薄仔興趣，不是對＂看＂有興趣，是對＂演＂有興趣，雖然
所以我會足頂真去看每一个演員的動作佮表現方式。舞台劇有舞台劇的方式，電視上有電視上的方
式，互相比較起來是真趣味的一件代誌。
尾仔，觀眾閣會使佮演員作夥拍相，真正是有夠好的！每一個演員攏真親切，嘛真配合，來佮阮作
夥拍相in休睏的時間就會減少，真正足用心。我有握到曾心梅的手，佇劇中閣會使聽到伊現場唱歌！
實在是足享受的！！！