Hongtin Tsok-gia̍p bāng

　　「紅絲帶基金會愛現幫」，著是「愛滋病感染者現身說法衛教團」。in的講師用家己的故事作為別人的借鏡。我有幸佇三年前聽著Jimmy老師的演講，真正乎我印象真深。

　　Jimmy老師，是愛滋病患者。伊講完有關愛滋病的知識、予全場笑甲真歡喜了後，伊講伊欲開始講伊家己的故事。

　　台頂播送著PPT，配著音樂，畫面出現一張張相片，相片內底有一個查某囡仔，面上Key著「Hallo Kitty」的大頭。後來遮知影，彼著是Jimmy的查某囝。

　　Jimmy老師最後講：「每一个人攏感覺家己的囝是上好看的，但是為著保護伊，我只會當崁著伊的面。我期待按呢努力繼續宣導落去，總有一工，佇這个世界的人攏會當接受愛滋病的時陣，我就會共我查某囝面頂的凱蒂貓面具提掉。」

　　演講結束了後，逐家予伊一擺又一擺的掌聲。

　　愛滋病無可怕，真正可怕的是因為無了解來驚惶，因為驚惶來傷害的，人的心。

　　這個演講真正予我感受足濟。希望逐家攏會當多多熟似「愛現幫」這个團體，予in鼓勵佮支持！