close
這是我這學期尚尾ê活動，金枝演社是我較早著聽過ê劇團，毋過一直無看過怹ê表演。
Tú開始，我并毋知影leh 演啥？因為一幕跟一幕，敢若攏是無連結ê表演，後來經過老師ê解說了後，我才了解，原來是芒果青teh 做眠夢，是一个真趣味ê表現手法。
另外我感覺尚特別ê是唱ê歌曲既然是用歌仔戲ê戲調，kap一般ê音樂劇無啥仝款，閣配上陳昭婷本身ê歌仔戲戲底，將遐ê歌曲唱了真有氣味，我真佮意。我認為這齣戲，用真好笑ê方式，去表現出一个較嚴肅ê歷史，增加真濟趣味ê所在，予我閣有興趣繼續看落去。
其實，我尚有興趣尚有感覺ê是劇團ê幕後籌備ê整個過程，因為kap我家己ê生活有真直接ê關係，平常時我嘛是有leh 接觸劇團，會使閣較深入佇我ê心內，欲做好一齣戲，是需要付出真濟ê時間kap人力，才有一个精彩閣完整ê演出，所以若是有能力，希望逐家會使行入劇場，用行動支持劇團！
全站熱搜
留言列表
