Hongtin Tsok-gia̍p bāng

這學期已經到了尾聲因為我大學一年二年的不拍拼導致這馬大學三年ah上下學期攏是修滿28學分過程中真的足累足艱苦但是感覺這是自己的報應總是要自己面對的回顧這一學期雖然課誠滿誠多作業不論是必修抑是選修就因為驚予當上課抑不太敢翹課上課的時陣抑攏認真聽發現真正學著誠濟物件而且發現某幾位老師的上課熱忱kap態度予我誠感動鳳珍老師擱有灸珍老師擱有修平科大的綺霞老師佇上課不管是課程上的準備還是補充的物件攏會當豐富我空虛的腦袋另外綺霞老師除了作業頂面的要求以外擱對基本的禮儀kap禮貌很要求不管是報告時陣的站姿抑是穿著打扮攏足要求伊希望阮出了中山醫的校門會當予人耳目一新感謝老師這學期的指導真正足歡喜自己有修這幾門課

這學期的論文寫作指導要自己研究一個小論文來發表我一直想不到主題也沒有頭緒聽老師的建議發現講我讀的文學作品傷少所以才想不到題目於是我就去圖書館找了張愛玲的短篇小說來讀下跤是我看了”紅玫瑰與白玫瑰”了後的心得感想阮往往順從社會頂懸既定的價值觀，因為阮驚kap別人不同款，驚別人的閒言閒語，心內底真正的想法只會使壓抑著，我想按呢並不會khah好，更加無khah快樂。就親像故事中的振保傷在意別人看伊的眼光，因此選擇了自己不愛的查某人，伊以為控制了所謂對的世界，但是事實上卻予歇的自以為在外人眼內看來正確的人生所操控著，但是這一切不是伊自己放下了曾經握住而且真正想欲的，選擇活佇別人眼光內底，看起來足美好，實際上是虛偽擱無意義的。

肉粽節來源是屈原的故事：愛國詩人屈原出了一個會當富國強民的好主意，但是無予國王采納，伊顛倒被趕出宮中。屈原氣得不得了，跳進去汨羅江。當地的漁夫知影了後劃著小船把竹筒內底的米撒向汨羅江予屈原。後來，大家把竹筒盛米改作粽子，把劃小船改作賽龍舟來紀念屈原。阮全家攏非常敬佩屈原，因此，阮家每一年攏過肉粽節。　　肉粽節的傳統習俗就是呷肉粽。阮家有一個名副其實的包肉粽好手――我的媽媽。每一年端午節的時陣，阮全家攏會當呷到好食的肉粽。媽媽常講：用蘆葦的葉子包的肉粽上香。所以，每一年肉粽節媽媽攏用蘆葦的葉子來包肉粽。伊佇包肉粽之前，先做好準備動作：把蘆葦的葉子放佇水內底煮，把準備好的糯米和棗分別洗。等蘆葦的葉子涼ah了後，伊就開始包肉粽ah。伊先拿三片葉子，將這三片葉子捲成一個圓錐體，然後先放一個棗，接著佇內底放上糯米，中間再夾幾個棗，最後用線把葉子捆好，一個肉粽就包好ah。伊包的肉粽肥擱大，親像一個一個老佛爺在睡覺。等肉粽包完了後，媽媽把in放佇高壓鍋內底蒸四十分鐘，擱放三四點鐘，予伊入味，然後就可以呷了！媽媽包的肉粽足香，香得予我一見著肉粽就會大口大口呷起來。所以，每當吃肉粽的時陣，我總是吃了足多！

學校健管院舉辦籃球比賽，應資系對決職安系，學校邀請我擔任裁判，比賽到第四節的時陣，職安系的王鈞鼎同學切入，結果kap應資系的同學蹲下來，王鈞鼎重心不穩轉三輪了後摔佇土跤，因為犯規動作太大，球場邊仔的同學攏失控欲衝來球場頂，正當我在和紀錄台討論判決的時陣，王鈞鼎在地上開始抽蓄，干焦癲癇發作的模樣，我看了足緊張抑誠驚，全場攏安靜落來，我們馬上去醫院拿擔架，然後打予119叫救護車，無若久醫護人員就kā王鈞鼎抬走ah，這是我佇球場中看過上嚴重的運動傷害，我佇急診室門口等了誠久，伊的爸爸kap老師擱有教官攏過來ah，好佳哉最後診斷出來只是腦震盪，並無傷到脊椎，但是經過這擺的代誌，予我真正感覺籃球只是運動性質，沒有必要做多餘的衝撞，予同學受傷，這是值得大家檢討的所在。

我的外媽在這個禮拜三過身ah，伊破病已經一段時間ah，攏一直佇病床頂面，這天伊離開ah總算遠離病痛ah，我誠m̄甘但是抑為伊鬆了一口氣，我從細漢是外媽一手帶大漢的，三餐攏是外媽幫我處理，細漢m̄識代誌，常常吵欲呷麥當勞抑是呷外面的物件，外媽都會笑笑然後予我錢去買，自從外媽破病了後，就呷不到ah，我真正足後悔，也感覺足可惜，外媽一直希望我好好讀書，會當做一位有用的人，所以不管我細漢考試考第幾名，外媽攏會塞錢予我欲我繼續加油。大學聯考的時陣，擱特地來陪考，講欲替伊的外孫加油打氣，雖然我沒有考著我的第一志願，外媽也無因此對我失望，抑是予我誠大的信心，握著伊冷冷的手心裡頭滿滿的回憶，伊這位天使會當佇這世人做我的外媽，是我誠大的榮幸，感謝她予我的一切，希望伊在天頂會使過得誠好。外媽我愛妳，晚安ah。

5/21是台灣悲傷的日子，因為一位大學生揭刀砍死了捷運上誠濟人，我看到這個新聞就感覺足可怕，可怕的m̄但是這個凶手而已，我感覺上可怕的是啥物款的社會會造成今仔日的悲劇，兇手的阿爸阿母知影這個消息攏無第一時間出來面對，顛倒是伊的小弟走到警察局，伊講:「我的阿兄是一位會創作優秀的學生不敢相信這件事情是真的。」發生這款代誌鄭捷的小弟竟然是講鄭捷的優點，予我感受著親情的偉大。另外東海大學的聲明稿也講著:「鄭捷是阮的家人」遮的話真正有勇氣kap大愛。

這個拜六我去中興大學參加純喫杯飲料舉辦的三對三籃球比賽太陽真正猛看著台中各個大學的籃球好手我感覺足興奮其中一位隊友是應外系大四的學長他身高有193公分身材很好 kap有滿身軀的肌肉阮的隊名叫小人國一路打進到16強在16強的比賽中我們失誤傷濟 kap對方平手要靠罰球來決定勝負輪到我的時陣我真正足緊張結果沒進害球隊輸球了真歹勢 m̄閣值得歡喜的是我三分球大賽獲得了亞軍抑擱有一千塊的獎學金經過這次比賽我更有信心也知影自己的不足要繼續拍拼

金仔日我kap女朋友去電影院看一部電影叫作紅翼行動這部片子是真實故事改編的影片中是在講美國的阿兵哥去阿富汗打仗的故事他們是一支武裝部隊，受過誠嚴格的訓練譬如說一群人躺在沙灘邊仔予海浪拍打全身軀泡在海水內底幾若個點鐘 bē-tàng呷飯抑bē-tàng歇睏真正非常殘忍 m̄閣in攏無放棄其中四個美國阿兵哥被困佇阿富汗不小心kap部隊失去聯絡四的人互相幫忙無放棄生存的機會予我感動的所在是最後一個士兵被阿富汗的民眾救起來遐的民眾重視性命不顧家園的冤仇

最近落雨真正落足濟！有一工暗暝我想欲去便所，聽到足大聲ê雷聲爬落來，開窗了後，目睭前ê景色害我驚一咧，雷公轟隆隆ê聲，大路攏淹水阿！雨足大，排水孔袂赴排水，短短行去便所的路就直直有閃爁，這段路予我足驚惶。序落來規工嘛是落大雨，而且擱會雄雄天頂倒一桶水落來，隨會變成規身澹落落，希望這禮拜緊結束落大雨ê日子，阮真需要雨，毋過嚴重ê話嘛會帶來災害。

這禮拜真歡喜，我ê高中同學抵仔好有閒，攏考了期末考，因為阮真久無見面啊，一見面就開始一直講話，講高中ê回憶、講大學生活，有真濟話想欲講，講攏講未了，時間攏無夠用，好朋友就是按呢，就算真久毋看嘛會使親像逐工見面。我想欲佮伊佇高雄四界踅，介紹家己上佮意ê所在予伊，實在是有真濟物件會當佮伊講，希望伊會當耍了歡喜，按呢阮上好ê回憶就愈來愈濟。雖然拜六拜日兩工攏走來走去，無好好歇睏，但是想著好朋友做伙ê時光，精神就攏來啊！