Hongtin Tsok-gia̍p bāng

tsuè-kīn thiann liáu chi̍t-ê ha̍k-hāu pān ê ián-káng，sī chi̍t-ê tsiông  Eng-kok   liû-ha̍k 轉來 ê chi̍t-ê 學姊來 ián-káng khì Eng-kok liû-ha̍k ê  hong-hoat，thiann liáu  chin siūⁿ khì liû-ha̍k。tān-sī 學姊kóng guā-kok ê ha̍k-hāu hui-siông tsù-tiōng sîng-tsik，sóo-í guá 這má  ài   jīn-chin 讀冊。

 chit-ê  lé-pài  gōo  khì  tsham-hóng  nn̄g  ka  生技kong-si ，liáu-kái   í-āu ê siong-kuan  kang-tsok，tuì tsū-kíê bī-lâi ū-tām-po̍h-á  nâ-tô͘，chin  kám-siā  lāu-su  án-ní  iōng-sim ê  tiû-pī  chit-pái tsham-hóng 。in-ūi chit-pái tsham-hóng  teh，góa  o̍h-tio̍h 足chōe，kî-tiong  khì  ê chi̍t-ke生技kong-si──葡萄王，葡萄王ê hù-chóng  i kóng chi̍t-tōaⁿ  ōe，i kóng ài-beh sêng-kong ，就bô-beh 驚 chia̍h，  kán-tan kong  tio̍h-sī 無計較， siáⁿ-mi̍h  lǒn  chòe。

　　一直攏感覺家己算是真現實的人,毋過今仔日才知影家己的想法猶是傷天真,共大家攏想了傷好.毋過其實我嘛怪不得別人,我想的傷少傷簡單.真濟代誌我按呢想,別人無一定嘛按呢想,我想欲得到的對待無一定是別人想欲得到的對待.到這个年歲我才知影一直以來,我攏敢若用家己的方式去愛人,卻袂記得了解這个方式是毋是怹想欲的,我按呢的人閣配做老師嗎?

　　送舊送完了,最近這幾天毋是哭著是笑,今年畢業的氣氛嘛傷厚了吧!紲落來欲趕佇學期末做一寡代誌,真正應該做的代誌,無的確有人嗤之以鼻,無的確有人因為反對所以反對,毋過為著這个家,我頭破流血嘛欲撩落去!希望是有人關心的,畢竟這是阮四年的厝啊!

　　因為我愛這个家,我一定愛講,樓跤的你,勿傷超過囉!你是佗位派來欲毀滅阮系的惡魔使者嗎?我的確是溝通的橋樑,毋過按怎想我攏應該愛保護我的同學啊!若是講我連我的同學攏無法度保護,我閣有啥物資格做會長?這陣仔真正是我人生的低潮期,我怨恨我家啥物攏無法度做!明明知影你可怕的所在,卻無法度衝破這道關卡!你敢會使勿來破壞阮原本美好的小天地阿?阮毋是生落來著欲予人懷疑是賊頭,嘛毋是予你按呢凊彩控制.為怎樣阮愛平白無故接受你的出爾反爾佮你的白賊話?你想欲守護的物件到底是啥物?空蕩蕩無任何人的建築物嗎?

　　為著送舊買了人生頭一雙懸踏仔,以後擱有穿的機會嗎?對真久進前著想欲轉型,改變家己,毋過總予邊仔的人的一句”好噁”打消這个想法,我這世人敢若會使做一个男人婆啊!自細漢到大漢,看的嘛無比別人少,毋是愛虛華,只是做一个人,品味真正真重要.我著是無法度像別的查某囡仔仝款的打扮,佇逐家追逐流行的競賽內底,有時陣質感佮獨特性攏予擲掉了!閣來閣有錢的問題,我的環境沒法度造就幻想中的我,畢竟這个世間有幾个人會當做慾望城市內底的凱莉呢?無願意向街坊妥協,只好一直做一个查埔囝仔,但是我想最近應該是時陣改變了吧?佇我心中睏正久的凱莉是毋是會使醒過來了呢?

這个禮拜上歡喜著是昨日的”歌song人文”,佮逐家做伙共一个活動辦起來真正真歡喜,院辦聘請負責這擺活動的阿姊人真好,對伊身上我學著正濟,活動當中嘛是佮伊鬥陣痟,伊著好親像阮的大姊啊!我真佮意人文學院這種干焦家的溫馨感,魏院長逐擺的開會攏予阮笑破腹肚,伊真正足古錐啊!希望這个活動會使一直辦落去,歌song人文會當一年辦甲比一年大.
    雖然有淡薄仔早,毋過我已經開始為我的期末考緊張,我這擺真正穩死了!有足濟擺佮家己講”應該愛認真讀書了!””離開眠床!”完全無效!真正是傷忝了!毋過到底是咧忝啥呢?我嘛毋知~

學長學姊真正欲畢業矣！自送舊開始，著有一種＂離別的感覺＂，是我以前從來毋捌感覺著矣，這屆的學長學姐，有足濟足濟予我想欲in永遠留住學校的人，毋過，＂天下沒有不散的筵席＂，每一个結束，著是另一个開始。希望學長學姊攏會使揣著in心中真正佮意的空課，揣著in新的生活目標！

明年，又閣有一寡人欲畢業矣，閣一年，我嘛欲畢業矣，真正足無想欲離開學生生活，想欲閣親像高中仝款，感覺＂出社會＂離家已閣族遠足遠，毋過，這是無可能的，時間只會一直前進，袂後退。所以，每一天攏愛好好的珍惜！

無閒足久的送舊結束矣！這擺我有表演跳舞，練習的時陣我真正足想欲放棄，因為我的肢體足不協調，跳起來跟其他人著是無仝，我嘛無知是為啥物，是按怎逐家跳起來攏遮媠，我跳起來紲……毋過，嘛是要感謝我的好朋友，煜棻和佳芳，若無是in兩个佇邊仔一直予我鼓勵，我相信我一定無法度完成這个表演，表演順利結束矣，心中的大石頭也放下了，這擺送舊，我真正用我的全力去準備，去表演，希望學長學姊會當喜歡阮的表演！

學長學姐，畢業快樂，希望以後閣會使見著恁！！

（接頂一篇）

這擺，我的好朋友育婷，得到客語組的第三名，我真正足替伊歡喜，佇比賽前半點鐘，伊才發現主辦單位的卡拉伴唱跟伊佇厝內練習的版本無仝款，伊足緊張，來到我住的所在，愛我幫忙伊，我當然是講好！

今仔日是＂歌song人文　歌唱比賽＂，舊年我著有來看比賽，今年我有足濟朋友欲參加這个比賽，看in佇台頂咧表演，真正足替in緊張，這擺的比賽跟頂擺仝款，有分＂客語組＂、＂台語組＂閣有＂外語組＂，客語組有足濟台語系的人參加，應該是老師有咧鬥相共宣傳的原因！

後來，有一組參賽者上台，竟然是阮班的同學和老師的組合，真正是予我足大的驚喜，老師竟然嘛來參加這個＂盛典＂，相信講院長嘛一定會足歡喜！

轉來台中kap會當先完成的作業攏總準備好，順紲提白帖仔將欲請假的幾工攏簽好名，按呢才會當放心的轉去鹿谷鬥相共，當初有kap表兄in講好，暗時仔守暝的工課就留予阮少年人，因為白日的時陣，阿姨in愛拜拜，有真濟禮俗阮囡仔無清楚，驚到最後會鬥無閒，所以這種傷體力的代誌就交予阮啊，阿姨嘛講，in一暝無睏，睏三工攏補袂轉來，所以有阮遐邇濟囡仔代替in，予in有閒會當去發落其他的代誌真正足好的。逐工暗暝阮就會開講，講過去細漢的代誌，對阿公的記憶，半暝仔陪伴阿公猶有揣到過去美好的回憶。

今年對我來講發生了傷濟代誌，心情的改變真大，我的外公就佇這個月過身啊，遐工猶佇咧上外系的課，手機kap平常共款，家族的訊息一直跳出來，本來想講可能是咧開講，所以就無真注意，後來想講看一咧好啊，因為he時陣是加護病房的探病時間，想想咧就拿起手機看一下，我咒誓若是彼時陣我無看手機，我一定會一世人後悔的，放棄急救的通知一發出來，所有的人攏趕到病院，心內攏知影這就是最後一面啊，毋但佇台北、中壢的媽媽kap阿姨攏佇家己上緊的時間內抵趕到，外公所有的囡仔攏到齊，猶有姨丈kap所有的外孫，攏總三十人，攏無欠，逐家攏真愛阿公，這最後一刻攏想欲陪佇伊的身軀邊。

    就按呢，我的大學生活已經過了一半矣。實在是真恐怖，時間走了有夠緊，完全無咧等人！看著四年仔的學長學姐畢業，進入人生的後一個階段，想想咧，閣一下仔，著換我矣。

    讀大學以後，定定攏會想著一個問題：我出社會了後想欲做啥物工課、會當做啥物工課？自細漢到這馬，想欲做的一直咧變，小學的時陣想欲做老師；高中的時陣想欲做新聞主播；拄仔升大學的時陣，我真正毋知影家己想欲做啥物，後來因為一寡代誌，予我想欲做空姐，所以我現在就攏有咧補習，加強家己的英文能力。

最近又欲放暑假囉~其實我感覺大學的暑假有佮無工款,只是毋免八點就起來上課,其實我毋知這擺的暑假欲做啥物,我想袂去拍工,嘛有想欲出去耍抑是參加營隊,但是我會想欲做的代誌攏卡做伙,擱欲四界去請假真麻煩,以前暑假阮高中的朋友攏會做伙出去耍,有一擺是去澎湖耍,彼擺真正是有夠好耍,我頭一擺去沙灘耍,真正足感動,後來阮擱有坐船去吉貝嶼耍水上遊樂設施,這嘛我頭一擺離開台灣島,真正是真特別的體驗,但是出去耍攏愛開真濟錢,嘛是一筆真大的開銷,其實佇厝內清閒過日子嘛是真讚啦

昨hng是咱家ê家聚，真正非常好耍，咱去食FEEDME，是一間美式餐廳，咱家ê人攏有到，只是學妹提早離開。食完薯條了後，逐家就開始耍。遊戲攏真有創意，大家lóng 耍佮非常歡喜。印象深刻ê是我佮煜棻食餅乾，為著贏，親到喙，實在是真特別ê經驗。我感覺系上常有活動是一件好事，會當予大家ê感情攏真好，了後ê家聚我嘛攏會盡量參加。

禮拜日ê時陣，朋友綴台北來揣我耍。因為是彼仝來彼仝就轉去，我就問伊想欲去陀位，伊講想欲去心之芳庭。我查地圖了後發現路是好騎ê，咱就tī十點ê時陣出發。經過迷路，騎過奇怪ê山路，咱就到遐。入園費是兩百，有一百ē-tàng抵花費。咱就排隊去食in ê餐廳。食物非常好食，等待是值得ê。景緻嘛非常súi，只是我感覺這比較適合佮情人來，因為攏是兩人ê設施比較多。我朋友講伊耍得真開心，咱就開心ê帶伊回車站。

這禮拜六有一個足重要的代誌，我真正期待足久足久啊，著是我上愛的歌手團體in的演唱會！細漢時無法度家己去台北看演唱會，所以我從來毋捌看過in的演唱會，三年前團體內底有一咧查某囡仔受傷了真嚴重，乎我體會著若是想欲做的代誌一定愛去做，因為你永遠不知影天公伯啊後一步會乎你啥物考驗，所以我著決定一定愛去看in的演唱會，舊年in復出的時陣我抑有去台北看表演，雖然真累等真久，無閣我感覺足值得！所以這擺大型的演唱會我一定愛去！