禮拜三我佮同組ê同學,同齊去修平科技大學參加比賽,這ê比賽主要是想選出未來會當培養ê廣播人才。彼工ê天氣並毋是真好,雨無停ê下,不過並無影響咱ê意志,我佮同學同齊進入決賽教室,其實袂緊張,因為我嘛面對過比遮閣較人ê場合。
輪到我上台ê時陣,真自然ê就共家己內心想法講述出來,我其實真清楚,無表現真好,報告完下台了後ê感覺,是完成了一件最近掛佇心裡ê代誌,放鬆真濟。公布結果是無得獎,只會當講家己愛閣再努力。
禮拜三我佮同組ê同學,同齊去修平科技大學參加比賽,這ê比賽主要是想選出未來會當培養ê廣播人才。彼工ê天氣並毋是真好,雨無停ê下,不過並無影響咱ê意志,我佮同學同齊進入決賽教室,其實袂緊張,因為我嘛面對過比遮閣較人ê場合。
輪到我上台ê時陣,真自然ê就共家己內心想法講述出來,我其實真清楚,無表現真好,報告完下台了後ê感覺,是完成了一件最近掛佇心裡ê代誌,放鬆真濟。公布結果是無得獎,只會當講家己愛閣再努力。
天氣愈來愈燒熱,予我平常穿ê衫褲,嘛對長袖換成短袖,不過最近嘛發現,無論佇班上,抑是出門在外,攏看著有人身軀不爽快,或者是戴著口罩,予人感覺有點á驚惶,若是家己不好好á照顧身軀,嘛有可能破病,所以最近攏帶著外套上課,不過天氣變化實在真大,早起出大日頭,暗時閣變kah真冷,攏毋知道該怎樣穿衫,暗時先看隔工ê氣象預報,感覺攏無正確。看著路上ê車流,天氣變燒熱,但該做ê代誌猶是愛做,下一個月是無停止無閒ê一個月,為家己加油。
今仔日是我boeh報告ê日子,kúi-nā個禮拜chìn前就做好了,不過那時chūn破病。
結果一延遲就kúi-nā個禮拜,昨hng koh再看一pái文章時,koh做了一kóa修改。
拜一愛轉來學校上課的時陣,我對樓梯跋落來,跤受傷uáinn-tio̍h,bué-tsui嘛有傷著,閣去予醫生看,這擺閣欲歇睏矣。我見若振動bué-tsui傷著的位置就疼死咧。攏袂使移動,而且坐嘛袂當坐真久,站嘛袂當站足久,行路攏愛有人hû,若無按呢我恐驚會閣跋倒。發生遮爾濟代誌,我逐暗攏佇流目屎,我氣我家己,一直害爸母逐工為我煩惱、擔心,我實在覺得我足不孝的。我猶是希望我的病會使趕緊好起來,莫予阿爸阿母tsiah-nī大的負擔,予我會當轉去學校上課。我一定莫予in閣予我操煩。
4/6(日)~4/14(一)參加大甲媽祖遶境進香的心得:
這个禮拜我去參加有「國際三大宗教盛事」的大甲媽祖遶境進香活動,誠感謝這規个禮拜的老師,會當予我請假去參加家己想欲做的代誌,嘛感謝同學幫我巡頭看尾,予我會當安心的去完成我的紀錄。
社會動盪了將近快一個月,究竟啥著啥毋著,抑是為著爭做一睏,無願意拉下面道歉,這嘛只有當事者會當去化解,即使咱已經徛出來發聲,毋閣當沉默ê一陣人,只是乎代議政治恢復作用,抑是需要in來解決問題。
看著新聞,不斷播著仝款ê內容,敢若世界上無其他ê代誌發生,希望所有人會當對這件代誌頂面學著知識,毋是不判斷代誌亂罵。
今á日去行大甲媽á繞境,看tio真chē信眾提供飲料果子食物,hō我有滿大ê感動,今年kap舊年相比有完全無仝款ê感覺,今年是m免交報告,以輕鬆ê心態去參與kap iáu願,舊年阮真無閒,無法度真正體會hit種感覺,今年慢慢行慢慢體會人情,hō我上了寶貴ê一課。
Siōng重要ê是阮kap轉行ê學姐kap同學同齊去行,有一種仝款時間無仝人ê感概,一路上講講笑笑,分開ê時chūn真不捨得。
無仝ê心情,無仝ê同學,hō阮ē-tàng kap in同齊行,á是真開心ê。
雖然tńg到厝ê時chūn全身痠痛,不過真正真值得。
希望明年iáu ē-tàng kap in同齊行,mā希望朋友ê感情ē-tàng一直長存,這mā比較hō阮放鬆kap快樂。
今仔日是國中ê同窗會,有八年無見面啊,真正感覺足歹勢ê,攏不知影欲講啥。佇食飯ê中間突然間有一个同學用攕仔攕牛肉欲予我食,我是驚佮欲死,遮濟年沒見面,按呢ê行為實在是恐怖,伊閣是查埔。佇暗頓吃完,我去便所出來了後,竟然有人幫我付暗頓錢,付完,人就走了,這到底是啥情形?真正是歹年冬kāu痟人。
想到遮,自開學了後我ê身體就沒啥好,一直感冒,食藥仔常常會愛睏,有時透早攏爬袂起來,真正是足討厭,本來想講最近身體有卡好,但是前幾禮拜我竟然血尿,這禮拜胸悶、面ê皮膚生物件,醫生講我最近免疫系統無啥好,閣二尖瓣壁脫垂,愛常常運動才對。
拜六,我和高中的朋友做伙去東區啉酒,逐家真久無看,所以心情攏真好,逐家開講足久的。其實,彼工有一个朋友講伊今仔日欲使啉,毋過逐家叫是伊咧假死,所以逐家就一直叫伊啉,結果真正出代誌,伊竟然啉到昏倒,阮真緊張敲電話叫救護車,後來來到病院,阮朋友嘛醒啊!in老爸趕來病院,叫是in老爸會共阮罵,好佳哉in老爸人真好,啥物攏無講,經過這件代誌了後,我感覺酒猶是啉較少較好。
總算出院矣,醫生講我今這馬猶袂使去學校上課,因為驚我的予其他病毒感染。
愛我好好佇厝內歇睏,等身體較好咧,在去上課。雖然說已經出院,但是我感覺我的身軀比進前閣較虛,行幾步路,就足thiám。tú-tsiah起床,閣想欲睏。一直感覺真thiám,kui-ê人攏無啥物元氣。而且,tshim-iā定定猶是會發燒,不舒服。阿母為著我,每一工攏煮上營養的補品予我食,每一暗攏守佇我的眠床邊。
動盪ê社會,乎人心無法度安定。烏雲罩頂看袂著明仔載ê光芒,驚慌佮失望、無奈佮無助,明明知影可能會無結果,卻á是默默ê聚集佇遮,毋去細數已經度過偌濟分鐘,坐在地上只為著一個目的,爭取屬於咱ê未來。
立法院外ê道路上坐著一大群學生,靜靜坐著聽課,去聽別人ê論點,去思考家己ê想法是毋是需要改正,寧願用家己ê雙眼去證實,不跟媒體報導左右,天氣ê變化嘛不斷in ê意志,啥人講阮是脆弱ê草莓?in早就是永遠面向日頭ê日頭花。
今仔日踮中區有辦聯誼比賽,我有報名參加。誠久無運動啊!今仔日一定愛好好共耍一票。這擺的活動有十間學校來,攏總一百外的人,足久無按呢的情形。中晝休睏的時間,阮踮邊仔烘肉,今仔日有食閣有掠,真正足爽,而且今仔日有足濟新的學生加入,原本擔心社團的招生會有困難,好佳載因為有學弟in努力的拍拼,才有今仔日的成果。身為學長,真正足歡喜社團的運作會當閣在進行,這學期結束了後,四年的學長就欲畢業啊,阮拍算作伙送學長,希望學長畢業了後會當揣著好頭路。