這禮拜六kap日阮系上ê選修課，急救學共有修課ê同學kah另外報名ê人，攏總報名紅十字會的初級急救課程，對拜六早起8點著開始上課，上課的內容足多款ê，一開始上基礎概論，閣有啥物狀況愛予病人欲用佗一款姿勢，續來是CPR kah哈姆立克急救法的教學，雖然以前加減有接觸過，毋過佇上課教ê就較詳細閣，下晡教身軀包紮ê方法予我印象上深ê是額頭，規ê額頭攏包著，親像日本咧浸溫泉共款。第二天教ê就較屬於實作矣，只有燒凍傷是佇教室上課，下晡ê考試予我足緊張ê，真濟細節攏袂記得矣，毋過大概ê步驟攏對矣，希望成績出來ê時陣會使拿到證照。
全站熱搜
留言列表
