佇生活中，咱人有時陣，會使去試看覓無仝款的體驗，予咱的生活較趣味，除了課本上的，嘛會使去接觸一寡課外的活動。
拜三，受著同學的邀請，來去參加『旭風管樂社』的期末成發，看著每一位『管樂』的成員準備的表情，有感受著in的用心佮認真，對邀請卡到聽in演奏，in每一个人攏真專業，演奏的歌實在真好聽，聽歌果然愛聽現場較有氣氛，看著指揮的老師真用心指揮每一項樂器吹奏，看著『旭風管樂社』的貼心，安排主持人製造效果予阮笑，in實在真趣味佮古錐。
但是可惜的是我無法度聽完全部的演奏，因為有代誌只好提早離開，只好等以後有機會才來聽囉！最近其實嘛有誠濟社團欲期末成發，這是一個好機會，會使予咱去接觸多元的活動，欣賞別人用心的表演，做一位享受人文之美的好觀眾，若是佇過程中家己有興趣嘛會使加入in，佮in做伙建立毋是夢的夢想，向成功的大門行去。
全站熱搜
留言列表
