close
一年仔的時，因為愛做家教，無法度參加第二屆的唱歌比賽，真可惜。這改我無任何的頭路，有閒會當參加期待足久的唱歌比賽，足歡喜! 五點半，音樂廳的椅仔著予坐甲差不多矣，好咧佳哉有翊綺先去佔位，我才有位通坐，而且足頭前的喔! 期待足久的活動開始矣!拄開始的彼个歌手予我驚一下，我毋知伊佮蕭煌奇仝款，目睭是看毋的！叫是伊著是普通人，我想in的音感應該攏真好。 比賽開始!逐家攏足厲害的喔!有的唱甲予我想欲哭，有的真正足深刻，這著是唱歌比賽的現場啊!台語系真正是人才的集合地，會曉唱歌、彈琴，毋管是吉他抑是鋼琴，彼攏是一塊雞卵糕:It’s a piece of cake! 毋過算是美中不足的代誌是，舞台頂囥佇塗跤的舞台燈，實在是真刺目，看比賽的人無3秒著痛甲想欲斡頭，害我只好提紙遮佇頭前，若無規場頭梨梨，頷頸會斷去！
全站熱搜
留言列表
