close
舊年,我人生中頭一擺去看大型ê舞台戲,叫做"頻率"
是"台灣戲劇表演家"所演出,
資勛共我講伊高中ê時,有老師 tshuā 怹去看,
逐个同學,毋管是查埔囡仔猶是查某囡仔攏看kah哭,
所以,伊推薦我一定愛去看,
看了後真正呵咾kah會tak指!
我嘛有目箍紅紅..
嘛有聽著有儂哭kah真大聲,
頭一擺,我感受著舞台劇ê感染力,實在真厲害!
這擺,看了"大國民進行曲"以後,感覺又閣完全無仝,
我才知影舞台劇嘛是有分真濟種,
這擺ê較有音樂性,有真濟較大ê動作,
上特別ê是後壁ê背景是用電腦去做ê特效,
隨時攏會使改變伊ê景,予儂感覺敢若真的佇磅空內底,實在真佩服。
1945年ê時代,歷史ê發展攏會使佇這齣劇內面看著,
予我尚大ê啟示著是,
著算講阮是穿日本衫,但是咱也是台灣儂,
著算講阮講日本話,但是咱猶原是台灣儂,
毋管按怎,
咱著是一家儂,
咱ê幸福著愛家己去追求!
全站熱搜
留言列表