Hongtin Tsok-gia̍p bāng

班級：台文二  學號:99AD043  姓名:張純禎 科目:台語文讀寫(二)

題目： 《詩行》心得

正文：

 為啥物bē寫詩？每一個人攏ū伊ê緣由，ū人說：出世佇台灣ê地，假使家己m̄去寫家已ê語言，啥人會替你寫！

看tio̍h學姐站佇講台上頭，念伊ê詩、用伊ê情，學姐講：寫詩，是寫家己ê心情。也有大四ê學長參加詩行大會，用七字仔去創作詩詞，誠ū趣味，學長講：台語線頂字典可以hōo伊寫出誠好ê詞，何信翰老師，伊嘛寫詩上台發表，我這má ū修何老師開ê現代詩選讀ê課，去加添家己寫作佮賞析ê能力。

hōo我印象上深ê事，系上準備入學ê學弟，伊ê詩，誠ū意境，家己去學羅馬字，就可以學得如此厲害，實在是hōo我誠大ê衝擊，我學了兩冬，程度卻是哩哩落落，伊16歲，這má煞站佇台上念詩，我感覺非常見笑，這樣是beh怎麼做人ê學姐，伊hōo我刺激，所以我嘛不能輸hōo伊，至少今年愛考台檢考過。

下半場，看見阿凱老師，伊嘛佇台上念詩，伊ê線上字典是我寫作業ê好朋友，去參加詩行大會hōo我收穫誠多。