六月，閣來到畢業的季節，每一个學校又閣開始準備一連紲的畢業盛事，這時我上蓋意愛的就是學校所舉辦的畢業演唱會，定定攏會邀請一寡仔真有名氣的歌星來學校內面唱歌，予畢業生祝福。我的阿姊嘛是今年欲來畢業的，他這馬佇靜宜大學讀冊，前幾工伊邀請我佮伊做伙去參加in學校所舉辦的演唱會，我馬上無第二句話隨答應，了後看著當天欲表演的歌星名單時，我真正是愈歡喜到欲飛上天，因為名單內面有我真愛的樂團欲來表演，頂禮拜六也就是演唱會的當天雖然日頭誠大，但是阮嘛是真早就去排隊啊，因為希望會使有好一點仔的位，當我看見我上愛的樂團的時，我真正足感動，因為in的歌真正足好聽，聽了規場的演唱會了後我真正感覺足滿足，感覺就算是排真久的隊，曝真久的日頭攏有價值。
全站熱搜
留言列表
