close
這過ê青春記事，我想欲分享我進前去「高雄市戰爭與和平紀念公園」，因為我是高雄人，拄好，台灣史ê課叫阮去指定地點參觀翕相，我才有這个機會去遮，雖然遮个所在離俺兜足近，毋過，我無去過，也毋清楚遐是按怎ê地方。所以，我佮其他高雄ê同學就拍算去看覓。
佇遐，我看tio̍h戰爭ê歷史。1941年台灣人因為日治時代ê徵兵，就參加東亞戰爭，佮1945年因為國民政府就入去參加國共內戰。一場一場ê戰爭結束後，台灣兵有足濟人戰死，也有人受傷殘廢，嘛有人無機會擱轉來台灣，一生佇咧流浪。這ê人死了足悽慘，無補償，嘛無留名，甚至是無好好ê安葬。
內面詳細ê看板，記錄tio̍h台灣ê歷史，每一本冊，攏講tio̍h台灣人ê過去，每一項展品攏乎我愈來愈了解台灣。遮所介紹ê歷史，佮這美麗ê風景顛倒反，予我這馬才真正了解遮ê所在，也了解和平ê重要。
我真正足歡喜，有機會會使佮朋友來到遮，看清楚台灣ê歷史，有一个有意義ê一工。
全站熱搜
留言列表
