close
今年(2013)的大甲媽遶境已經結束啊!別个同學攏是綴媽祖行九天，毋過我家己煞因為有代誌，所以提早兩工就來結束。這擺的遶境體驗真正感謝大甲媽，予我看了真濟無仝款的人生百態。原來，臺灣社會猶原遮爾仔溫暖。路上佮我鬥相共的人傷多，真正無法度逐个攏來好好仔說感謝，所有捌幫助過我的人，我干焦想欲講有恁誠好。
尤其我上蓋感謝財團法人大甲鎮瀾宮哨角隊，予我佇行大甲媽的最後一會使體會著遶境團隊的辛苦，嘛予我毋免閣再趕路，會使和媽祖做伙走完上落尾的這段路。抑有，我嘛真感謝大甲媽祖鎮瀾宮-e世代青年會，替我保管行李四工，實在是真拍謝嘛真感激in。
全站熱搜
留言列表
