今仔日佮安安作伙去文創園區的糖果嘉年華，有淡薄仔失望，內面的展覽無啥物，干焦一寡仔佈景予人翕相，好佳哉阮毋是買票入場，是用貴賓券，感覺彼寡買票的人攏會感覺家己予人騙錢啊，遮是我看過的展覽內底上無精彩的，毋過阮嘛是耍到誠歡喜。
高中的時陣阿母𤆬我去巧克力展，雖然嘛是一堆巧克力做的藝術品，毋過感覺著是誠無仝，比較較用心，有誠濟藝術品攏是予人看到著想欲咻咻叫，媠噹噹，現場攏是巧克力的味，甜甜的空氣予人心情足好的。
目前分類：101-2生活週記 (450)
- Jun 04 Tue 2013 22:41
生活週記10-梁雅婷
- Jun 04 Tue 2013 03:09
生活週記10-陳品怡
又koh到畢業的時陣，這陣仔學校內底逐的學系攏咧為著大四欲畢業的學生準備，學校準備畢業典禮，學系內底準備送舊，講著阮台語系的送舊，我實在感覺真厲害，按怎講呢?因為一個送舊，用著的是大一到大三的學生，無一個人毋是拚命咧辦這咧活動，有人跳舞、有人主持、有人演戲，講著今年送舊的主題，就是”寶島歌舞廳”，驗收這暗，全部工作人員佇系內的教室F201準備送舊，燈火一關，花燈一開，原本的教室變作一e5歌廳，氣氛真有夠味!期待明仔暗的送舊，大家做伙加油~
- Jun 04 Tue 2013 01:04
生活週記-10 施雪兒
猶會記得前一陣仔，咱學校有舉辦人文學院民謠歌唱比賽，彼工我嘛佮同學做伙去看逐家唱歌，每一組ê參賽者攏真用心準備這擺ê歌唱比賽，咱台語系ê同學，嘛有真濟人報名參加，逐家攏唱甲真好聽，完全著是歌手嘛。當然嘛有其他學系ê同學來報名，in嘛是袂輸予其他人，表演攏足精彩。我常常有一種感覺，一个人會當徛佇咧彼个舞台頂，先不論伊ê聲音是毋是好聽，是毋是有得著名次，伊ê勇氣已經贏矣。伊勇敢克服驚惶ê心，大聲甲伊ê感情唱出來，所以，我感覺這場比賽，每一个人攏贏矣!!!
- Jun 03 Mon 2013 23:58
生活週記10-張欹茹
- Jun 03 Mon 2013 22:58
生活週記10-林青姿
這規工實在足熱!!!規身軀攏黏黏，足無爽快!而且我的手攏佇過敏，我直直走去便所沖水，過無五分鐘，
我的身軀擱開始黏黏阿，實在予我的心情足無好，這馬的溫度一咧仔就三十偌度，予人攏無想欲佇外口，
- Jun 02 Sun 2013 17:00
生活週記9-蕭晴
這禮拜我ê好朋友佳穎來台中揣我耍，我非常歡喜。禮拜五ê時陣，我去火車站接伊，伊讀成大，第一pái來到台中，對什麼景色lóng真新奇。了後來我帶伊去食義式餐廳，佇勤美誠品附近，叫做藍洞。我感覺非常好食，服務嘛真好。食完了後，去逛勤美誠品，以前咱佇屏東時，就真愛逛誠品，勤美誠品真大koh真súi，阮買了一本漫畫了後就轉去厝裡了。其實伊tsit-pái來是有課ài上，所以阮通常只有暗時會se̍h街了後著轉去厝裡，但是真像轉到細和ê時陣，國小時，真單純ê咱。
- Jun 02 Sun 2013 01:25
生活週記10--黃靖玉
夜市仔，是每一个人細漢時上佮意去的所在，會使佇暗時出門踅夜市，對囡仔來講，是真趣味佮期待的！
阮遮較庄跤，夜市是每禮拜六一擺，對囡仔來講，拜六一到，攏會走去共爸母吵鬧，想欲去踅夜市，有時陣爸母袂答應，有時陣會使去，阮囡仔人就會真歡喜，講著踅夜市，當然是食物件佮tshit迌，夜市仔的食物有真濟，『鳥仔卵、章魚燒、牛排、炒麵、滷雞跤、烘肉、雞排、麵包』百百款的食物予你選，你欲啉涼水嘛有，你欲買需要的物件嘛揣會著，夜市仔真的是一个方便的所在，生理人熱情喝賣，囡仔人嘛耍甲真歡喜，佇寂寞的暗時，遮是一个鬧熱的王國。
- Jun 01 Sat 2013 23:03
生活週記10 邱冠中
- May 31 Fri 2013 23:29
生活週記10-(廖鈺欣)
- May 30 Thu 2013 22:30
生活週記9-陳翊綺
哈哈，真害，最近真無閒，會記得提醒逐家愛交週記，家幾煞無閒到袂記得寫矣，真慘
這禮拜二為著學生會欲選學生會長佮學生副會長，歸工佇學生餐廳門口鬥搝票，下早仔7點半著佇學生會的辦公室集合，開始去學生餐廳準備，全部物件攏準備好勢了後，只要看著有同學經過著愛開始喝，請in過來投票，其實事實上，候選人只有一組，毋過雖然只有一組，票數嘛是有規定愛到外濟票才會使當選，所以阮歸工著四界拜託，特別是拄到熟似的，著愛硬死拜託，只差無跪落來拜託in爾爾，阮是對透早8點著開始拜託到下暗5點外，因為暗時6點欲去看宋少卿老師的演講。
這禮拜二為著學生會欲選學生會長佮學生副會長，歸工佇學生餐廳門口鬥搝票，下早仔7點半著佇學生會的辦公室集合，開始去學生餐廳準備，全部物件攏準備好勢了後，只要看著有同學經過著愛開始喝，請in過來投票，其實事實上，候選人只有一組，毋過雖然只有一組，票數嘛是有規定愛到外濟票才會使當選，所以阮歸工著四界拜託，特別是拄到熟似的，著愛硬死拜託，只差無跪落來拜託in爾爾，阮是對透早8點著開始拜託到下暗5點外，因為暗時6點欲去看宋少卿老師的演講。
- May 30 Thu 2013 00:42
生活週記9-林佳芳
佇咧猶未接觸進前，一直攏認為廣播是一件真好耍、真趣味，而且真輕鬆的代誌，但是後來因為每三禮拜就愛錄一個節目－台灣語文地區，每禮拜日佇天天電台放送，每一擺錄一點鐘的節目阮攏愛錄六點鐘左右才會當完成，有一遍有告譀，錄到欲八點鐘才結束呢！實在是誠痛苦閣感覺按呢真浪費時間，毋但按呢喔！因為歇熱的時陣節目嘛是愛照常放送，所以阮愛佇放假進前共所有的節目先錄好，所以變成每禮拜攏愛錄音，若無就是一禮拜愛錄二擺，免錄的彼禮拜才會當轉去厝裡……
- May 29 Wed 2013 23:55
生活週記9-劉軒宇
昨昏是學校內底的學生會會長改選，佇各地設有真濟投票處，我就是其中一個工作人員。歸工落來，我上常聽到的問題只有兩個，第一個是in是啥物人我不認識，第二個是只有一組候選人是按怎愛投票呢，對這個所在就會當看出，學校裡面的學生會宣傳有偌爾不足，而且真濟人攏是予阮千拜託萬拜託才勉強過來投票。原來當一個選務人員嘛是足辛苦的，無經驗的我險啊無閒袂過來。所以我希望明年學生會佇消息宣布的準備會當閣加完整，甚至會使到各個班級拉票，予閣加濟同學知影這個消息，凡勢逐家的投票意願就會閣加懸了。
- May 29 Wed 2013 23:16
生活週記9-高欣鈺
昨昏是紫渝的生日，阮逐家就約去ktv唱歌，而且是自暗時到天光彼種的夜唱，阮真利害，十一點就開始，一進去逐家就開始點家己愛唱的歌，每一個人攏有家己佮意的歌，你會使一直點歌，會使唱到天光所有盡量點，有的人就會使先去外口挈一寡食物，有足濟款的選擇，我上愛的就是魯肉飯啊猶有米血這兩項是我比較卡推薦的，然後盡量啉溫水因為你欲唱歌唱足濟點鐘，逐家唱的歌攏無相仝，有歡喜的、有悲傷的、有趣味的、有刺激的，猶有人咧伴舞，毋過軟規暝無睏真的會真忝！所以久久去一擺就好啊！
- May 29 Wed 2013 23:08
生活週記9-陳如意
今仔日一下課，大家就趕緊坐公車火車站，因為暗時住台中的大肚有一場歌仔戲的演出，因為戲曲課需要去實習，所以大家攏有乖乖去，雖然講，我因為轉學的關係，同時抑有修歌仔戲課，所以我已經有一擺登台演出的機會，所以這擺我就去欣賞演出，天氣真正非常熱，我感覺每一个演員，攏是拼死拼活演出，予我感覺足感動，因為in攏需要化妝，佮穿戲服，這呢熱的天氣，真正是有辛苦，嘛予我知影，大家人攏有一種毅力，因為按呢才會使人感動。
- May 29 Wed 2013 23:07
生活週記9-徐文姿
因為有修林茂賢老師的傳統戲曲的課，伊有安排外台的實習（去戲班的後場），所以今仔日上完日文課，阮著趕公車坐去火車站，因為實習的所在是佇大肚，彼是海線的車，車班足少的差不多一點鐘才有一班車，而且干焦有一班五點五十七分的車趕的著，若無坐著彼班著袂赴到位矣，所以時間真正足趕的，因為阮五點二十分才下課，阮到位了後看著老師伊已經畫好妝，伊演的角色是陳靖姑，老師的妝實在足水的，伊閣戴一頂假頭毛，天氣足熱的，我想老師一定閣愈熱，我有問老師，親像in按呢是毋是有演才有錢，阿若無演的日子in是欲按怎，因為無是逐工攏有戲會使演矣！結果老師講：這的演員生活攏足困難，若無戲著去做手工無著做臨時工，予我想著一首歌"藝界人生"，真正足辛苦的。
- May 29 Wed 2013 22:55
生活週記9-盧思綺
又閣是平靜的一咧禮拜，如果有啥物代誌值得歡喜的話，就是阮拜六去參加六房媽祖遶境，其實這擺我參加這個六房媽，著要將原因追轉去到大甲媽祖，講真的，真歡喜大甲媽予阮熟識了遐的朋友，這擺就是in邀請阮去參加六房媽祖，阮共頂擺相仝，做義工，這擺嘛是發番麥，然後閣有飲料佮西瓜，因為是熱天，涼的物件較合適！
- May 29 Wed 2013 22:35
生活週記9-鄭婷勻
自從一年仔開始到這馬已經咧欲兩年，牙齒矯正嘛有一段時間，本來希望這禮拜去看牙齒的時陣會使拔掉矯正器，毋過煞干焦提掉一部份，醫生講猶閣愛觀察，我足希望會使毋免兩年就完成矯正的治療，可惜愛一直到歇熱才有機會。
最近可能是無鋒面，所以連紲規日攏無落雨，細漢的時感覺熱天比寒天較好過，毋過愈大漢愈感覺甘願是寒天，杉會使多穿一寡煞袂使一直褪，而且熱天真正會予人感覺煩，所以抑是寒天會予人感覺較快活，這是我的想法。蹛佇宿舍就算是十樓嘛是感覺足熱，熱天可能干焦山頂是懸的所在較涼，大樓猶是共平地仝款熱。- May 29 Wed 2013 22:31
生活週記9-徐明煊
宋少卿ê演講真正予人聽tio̍h心裡全場笑聲無停，kap台下ê互動，成功ê吸引觀眾ê注意，tsit-pái演講主要ê目地，是hō觀眾明白大學之道tī完成人格，kap用心「聽」這兩樣，伊tī台頂演講，我tī台下觀察，發現宋講師誠正足厲害，觀察周遭，會使利用得元素，並臨時發揮，搏得觀眾一片叫好，tsit點誠正足強，肢體語言非常豐富，強化演講內容ê吸收力，tī台頂伊就是焦點，有大將之風soah-koh非常親切，三個小時伴tio̍h伊ê聲音，真正事好好á上了一課，閣有機會一定會koh再去聽。
