5/21第三屆民謠創意經典歌唱大賽─歌Song人文
今暗會使講是台語系ê歌唱比賽吧!~逐家真正是有夠𠢕ê!
我原本嘛有報客語組ê歌唱比賽，毋過最後因為聲音ê問題，閣加上最近代誌實在是傷濟囉!攏無啥物時間會使好好準備，所以著佇比賽前規工放棄了這个機會。
其實我佇台下聽逐家咧比賽ê時陣，心內嘛是真複雜，因為我嘛足想欲去唱，毋過閣感覺無做好準備著上台對觀眾有淡薄仔敗勢，嘛會使講是家己勇氣無夠吧!希望明年猶有機會，予我來完成這个願望。
最後看著真濟熟識ê人攏有得獎真正替怹感覺歡喜，尤其是我ê好朋友曾怡寧，佇我聽著伊得著第一名ê時陣，著親像我家己得獎仝款爽!我毋但跳起來閣直直歡呼擛手，甚至共原本提佇手中ê安全帽抨出去嘛無發現，一直到坐佇我隔壁無熟識ê同學提我ê安全帽欲予我ê時陣我才發現!實在是真對不起伊嘛有夠見笑ê!
全站熱搜
留言列表
