close
這禮拜三，我佮班上的同學一起到修平科技大學參加
「走揣日頭好聲音」的廣播比賽，因為記毋對比賽的時間，
到遐的時候已經遲到，抑佇學校門口予開一張罰單，
好佳哉評審猶未來。總共有十八組，扣掉無來的大概有十四組，
一組一組的上台，說明家己的創作理念，講解了後開始原音重現，
我是無啥物緊張的心，但是佮我同組的晏伊佮昆霖攏真緊張。
咱這組的簡報是晏伊來說明，文案的部份是我佮昆霖做伙念，五分鐘以內，
就共所有的內容講完，心內感覺放下一粒大石頭，十四組攏講完了後，
主辦單位請逐家出去，予評審佇裡面討論，咱就佇外面翕像，十分鐘了後，
咱就進去聽發表。最後，咱這組得到佳作，獎金有五百箍，
中山醫學大學干焦四組得獎，我真感謝晏伊佮昆霖的付出，
尚感謝的是in佮獎金攏予我去罰單。
全站熱搜
留言列表
