close
五月開始，我的生活會真無閒，數起來嘛有七八項代誌，論文、教案、
廣播節目、社團影片、社團雜誌、系學會影片、系學會的活動，
毋包括一寡臨時的報告……對我來講，這是一个真大的挑戰，
希望我有時間佮精神會當共所有的任務完成。
前幾工，我的老師去帛琉藏水沫，看到伊佇FB面頂傳的影片佮相片，
予我足想欲跳落去水裡底，親身看到海龜、海翁、鯊魚等等，一定足讚！
每一年歇熱的時陣，咱攏會去綠島藏水沫，去海底二十公尺深的地方，
看看珊瑚，看看海中的生物，進前有看到海蛇兩擺！總講一句，趕緊放假！
遮的相片是我的老師翕的，毋是網路頂的喔！
全站熱搜
留言列表
