學習週記-5 李姿嫻 (台語自主學習加分)－Hongtin Tsok-gia̍p bāng

頂頂禮拜三，我参同學讀完冊了後，著做伙去聽演講「時尚台語劇場-浮浪貢開花」，因為彼禮拜愛準備期中考，所以去聽演講的人有小可仔少。這擺的演講是請金枝演社的導演佮其中兩个演員來遮演講兼表演。導演向阮說明伊細漢到今的點滴，益閣有創社的過程佮艱辛；兩位演員嘛表演了誠好，除了台詞講了流利，動作、表情嘛真活潑，予阮大家看了真歡喜，笑咍咍。演講結束了後，阮發現彼兩个演員嘛有演出「黃金海賊王」內底的角色，所以阮著走去和導演佮演員翕相，in人攏真好嘛真親切。聽完這个演講，予我體會著毋管是創社也好，讀冊也好，益是出社會創業也好，攏愛堅持家己的夢想，毋驚辛苦，毋驚挑戰，毋管環境按怎改變，毋管別人按怎看你，雖然辛苦，但是只要堅定家己的心，我相信有一工，理想嘛會沓沓仔實現。