close
這禮拜三阮系學會佇逢甲夜市辦「食字路口」的活動，雖然彼工落毛毛仔雨，毌過逐家嘛是足歡喜會當參加這个活動。一開始，我有較歹勢，原本約束工作人員愛六點到，猶毌過因為kah老師討論論文修改傷久，紲遲到。感謝和我仝組的工作人員先tshuân好物件，予我一到就會使進入狀況。
代先，阮彼組抽著ê題目是「烤蝦」，落尾一項愛接到「豬血糕」。阮彼組的同學真正足厲害，才食第一項就想著後壁欲接啥物，因為第一名ê彼隊有三百箍的獎金，所以in真拚命咧耍，就是為著三百箍啦!
落尾in真正提著三百箍的獎金，真正替in歡喜，猶閣有一包對南投「妖怪村」這个風景地區買轉來的餅，實在是有食閣有掠!希望明年，閣會使辦一擺這个又閣趣味又閣愛動頭殼的活動!
全站熱搜
留言列表
