close
禮拜六，我佮朋友去彰化tshit-thô，彼工的天氣真好出大日頭，已經落規禮拜的雨阿，看著日頭心情實在真好，阮先到八卦山邊仔的南天宮參觀十八層地獄，本來想講攏是電動的袂恐怖，結果一踏入去就予塗跤驚著，因為伊雄雄塌落來，彼同時本來邊仔暗暗的煞變光，內底是地獄置處罰歹人的畫面，有人在生前講人歹話死了後喙舌予人挽掉，閣有因為起人做歹落地獄予人浸油鍋。看了遮恐怖的畫面，予我以後毋敢做歹事情。
後來阮本來欲去爬八卦山，毋過彼工實在太熱阿阮就置下面踅踅翕相爾爾。阮落八卦山去參加賴和音樂節，有看著真濟的攤位，有賣文創商品的馬有賣T恤閣有毛筆會當寫字、簽名。到彼工我才知影彰化高中佮彰化女中有台灣文學研究社，看著遐爾濟人佮阮同款研究、關心台灣文學，實在真歡喜。
全站熱搜
留言列表
