我捌看過一部叫做「華麗ê假期」ê電影，這是一部咧講「光州事件」ê電影，佇咧看這个電影進前，我捌看過一个韓國團體ê MV，MV背景ê設定就是「光州事件」所以我嘛是對「華麗ê假期」有興趣，電影閣較真實ê kà「光州事件」翕出來，影片中，軍人四界拍民眾，予逐家攏足驚惶，到尾仔因為in拍死人，光州ê人民無法度閣再忍受，所以組成民兵，雖然電影最後ê結局是失敗ê，毋過我認為光州ê人民誠勇敢嘛誠團結，in非常積極咧參加鬥爭，嘛使這个佇光州所發生ê民主化運動成為歷史性ê抗爭事件。
看完「華麗ê假期」了後，我閣去看一部叫做「二十六年」ê韓國電影，伊ê內容主要是咧講，光州事件ê受害者ê家屬予人聚集作伙，然後in欲去報復當初時下令鎮壓ê總統，事實上，會使看ê出來這个鎮壓對受害者佮in ê家屬來講，創傷是有偌爾大，彼是受害者和家屬一世人嘛無法度抹滅ê痕跡佮傷痛。
全站熱搜
留言列表
