今仔日佇FB面頂，看著朋友分享一條新聞，是講法國頭一場同志結婚的新聞，伊下的標題號做: 恁相遇的故事，這馬是歸个國家的故事，其實我看著真替in歡喜，佇細漢的時陣，我的印象中王子永遠是佮公主相遇，了後做伙過著幸福美滿的日子，khah大漢了後，我知影王子佮公主做伙了後，無一定是過著幸福快樂的日子，因為王子到尾仔發現伊揣的毋是伊的公主，而公主伊發現伊揣的嘛無是伊的王子，閣khah大漢了後，我聽著一件代誌，欲揣著真正是對方的真命公主佮王子，全世界干焦0.1%的人有揣著，了後我聽見王子佮王子做伙的故事，一開始我無任何感覺，了後佇我身邊出現公主佮公主做伙的故事，我雄雄感覺，毋管是公主佮王子，公主佮公主，王子佮王子，in的本質的感情攏是仝款，人生有限欲揣著真愛真正毋簡單，有的人一生嘛揣袂著，看著新聞上彼兩个王子面上顯露幸福的笑容，in的婚姻得來毋簡單，我相信in一定會比任何人閣khah珍惜這毋簡單得著的幸福，閣khah珍惜彼此。
全站熱搜
留言列表
