close
今仔日是一位偉人ê生日，就是王詩晴 (講耍笑) 。原本阮這陣姊妹仔伴欲來共伊創空，予伊ê生日閣較趣味，毋過有一寡同學認為伊會變面，所以拍算二年仔才來好好仔計畫。
今仔日嘛是送舊活動ê驗收， 一開始看著足濟同學化妝，掠準今仔日是真鎮鐘，需要較濟準備，後來才知影無需要。
雖然我知影每一擺ê練習攏真重要，毋過我這个人較容易欠感覺，必須氣氛好，才有法度共一場ê活動抑是比賽表演好，啊若無，我就會感覺真礙虐。
了後我嘛閣佮舒嬅開講，講—著伊每一擺上臺進前ê心理調整，予我感覺真實用，我呵咾伊是我ê老師，毋過伊講這是互相交流。
我認為伊講甲真有理，無人比賽攏是百面贏，著算無得著獎，至少我予閣較濟人聽著我ê聲音， 我想按呢就有夠矣，這是我漸漸對比賽中得著ê感想佮心得。
全站熱搜
留言列表
