close
昨暝阮班有修戲曲的課的同學，逐家做伙去大肚綴歌仔戲團實習。真久無去廟會，彼爿實在是有夠鬧熱，閣有放煙火，雖然煙霧真重，毋過煙火真正媠。一寡陣頭的表演嘛誠精彩。阮兩位同學真好運，有去戲棚頂扮仙，真新鮮趣味。
後來有一位阿伯，伊敢若真知影媽祖廟的歷史，就為阮一寡仔同學介紹，伊講阮會使行到媽祖頭前，向媽祖跋桮問看覓敢有緣繼續問伊一寡問題，一開始媽祖一直予我笑桮，後來佇咧佮阿伯開講的時，講著阮兜嘛有一尊媽祖，阿伯感覺大肚的媽祖敢若知影阮兜的媽祖，因為笑桮的意思是媽祖笑笑無回答（我感覺有淡薄仔神祕），就叫我問彼爿的媽祖，結果答案是阮兜的媽祖和遐有關係。阿伯吩咐我轉去愛問阮阿公。
全站熱搜
留言列表
