昨暗阮因為茂賢老師的戲曲課，去大肚做歌仔戲的實習，看著足濟以前只有佇咧電視上才會使看到的物件，擱有專業的人為阮當場解說，講後台的化妝順序、看in化妝、穿衫，講台前的音樂佮樂器，也有同學嘛予in化妝，落去演金童玉女，實在是誠趣味，逐家攏一直翕相做紀念。
後來，阮去四界行行咧、食一寡物件，嘛入去廟裡底拜拜，這間廟的主神是媽祖，有一个熱心的阿伯共阮講真濟佮大肚媽祖阮有關係的故事、講伊的歷史、講伊的由來，落尾阮也跋桮問媽祖足濟心肝內的問題，一个一个得著答案，擱有一个同學問媽祖，伊敢捌佇in兜的媽祖，媽祖嘛講家己佮伊熟似，我覺得媽祖真正會予人誠安心的感覺，轉來的路上，一路攏與阮一種安心的力量。
全站熱搜
留言列表
