close
頂禮拜去大坑peh山，因為是拜日，所以佇咧peh山的人真濟。我佮同學兩个攏是頭一擺去行大坑，毋知影路欲怎樣行，雖然中間無小心行毋著路，最後也是有揣著正確的路，嘛有行到九號佮十號的路。
好佳哉，天氣毋是蓋熱，無落雨，嘛無啥物日頭，所以行起來袂講蓋忝。但是嘛毋通親像我仝款，共家己想了傷厲害。我看著遮爾濟的老歲仔佇peh，就想講我嘛會使行，而且會當比in行閣較緊，所以我一開始就用衝的，煞佇半路就無力阿，那行那喘，歇睏真久才回復轉來，實在是真見笑。
有時仔去山頂行行的，暫時離開都市，對懸的所在看美麗的風景，嘛是一種將心情放輕鬆的方法。
全站熱搜
留言列表
