96AD010 蔡宜珍 2010~詩行心得感想－Hongtin Tsok-gia̍p bāng

頭一擺參加台語詩人大會，因為拜六有代誌，就參加禮拜ê台南場次，真剛好在遐遇到老師，這擺ê詩人大會，聽到很多詩人ê分享，每一位詩人對詩攏有伊ê看法，嘛有伊特殊ê風格，過程中印象最深ê是講到台灣詩是用咱台灣人ê語言leh寫ê，特別使人有kám-chêng，雖然台語咱常常攏lah講，但是台語ê書寫對大部分ê人抑是有淡薄仔khùn-lân，因為咱無自細漢tio̍h學寫台文，所以有人講到這個問題ê時，góa嘛有真深ê感覺，在台文系三年ê時間，從一開始ê完全抹曉，心內嘛是有真多ê驚惶，今嘛已經愈寫愈順阿，因為今嘛有真多寫作ê工具，對咱攏是真大ê幫助，以前別人那是問góa讀啥，擱會有淡薄仔歹勢，但是，今嘛góa會真大聲ê說，góa學ê是咱台灣人ê文學，因為有這些寫出台灣文學ê人，才乎咱更加可凍去體會詩人in所想要表達ê意思，寫出屬於台灣這片土地ê文學，參加這擺ê詩人大會，予咱有一個學習ê機會，góa感覺真好。