Hongtin Tsok-gia̍p bāng

這擺的詩人大會雖然毋陣前的詩人大會熱鬧。但是我感覺台語的詩時在是chiok8活潑，毋像中國的唐詩、宋詞、元曲an2-sn有固定的形式，一首簡單的，親像第一首詩：「我是番薯」，一個平常tioh8看的tioh8的普通的植物，但是經過詩人的巧手，這種植物suah8變做代表台灣人精神的植物，一個chiok8有生命的植物，毋論爛土、乾土，攏會生長，嘛代表講，這個植物在詩人心中是joa7-a2-ni7重要，joa7-a2-ni7有感情。

    這擺的詩人大會嘛ho7我聽tioh8我從來毋識聽過的詞，比論「蘇開」，這個詞代表走難。因為這個活動嘛ho7我看tioh8台灣e5台語已經有市場，因為有市場，所以才有人會去寫台語詩。嘛ho7人知影，講台語是咱的基本人權，台語毋是一個chiok8俗的語言、台語毋是一個chiok8沒水準的語言，台語嘛會使有押韻、有代表、台語的詩嘛khah更加融入咱的生活，毋像唐詩的「黃鶴樓」，這是中國的物件，ti7台灣根本tioh8看毋，嘛毋知ti7陀位。