close
詩行心得
其實我原本是無想欲去參加詩行這个活動,因為我本來感覺彼下著是唸詩nia7-nia7無啥物,毋過我去參加了後才發現原來kah我想ê無共款,伊除了有詩人唸詩以外,in嘛分享in是an2怎欲做詩？有啥物靈感予in做出即呢好ê詩,我感覺誠趣味kah心適.
我尚會記得學姊kah學長分享ê詩,一个是講離開厝ê感想,因為欲讀冊,所以離開家己自細漢到大漢成長ê環境,生活ê厝.一个人佇咧外口帶,總嘛是會想厝,想厝內ê人.伊唸到最後攏欲哭欲哭,予人感覺誠心酸.
閣來是學長分享伊是按怎寫詩,伊講若是毋知欲按怎押韻,著給最後彼个字拍起理線頂台語字典面頂,按呢著會當尋著阿,雖然我毋知伊講ê是m̄是真的,我嘛是感覺伊誠巧誠趣味.
益閣有詩人內底竟然有後一屆ê學生,伊實在是誠優秀,已經考過台語檢定阿,伊對細漢著一直有咧講台語,可能是因為興趣所以著一直學落去,所以伊這馬台語誠好,我會當確定ê是,伊一定比我閣卡厲害,所以我愛閣卡拍拚,按呢才對ê起家己。
全站熱搜
留言列表
