close
轉學生的身分予我佇欲畢業的情緒內底有無仝款的感覺。分別佇兩个學校生活兩年的時間，佇我轉學離開第一个學校的時陣我就感受過分開的滋味，彼種滋味一開始無味無感覺，毋過當我逐仝無定時想起怹的時陣就親像有一屑仔酸酸的物件對我的嚨喉沓沓仔流落去，彼種味愈食愈酸，酸味的刺激會予我袂堪得著目屎流落來….雖然我一直認為”天下無不散的宴席”是一句足俗的古話，毋過就親像茂賢老師講的仝款”大家相抵的著”這只是大學生活的一个句點，並毋是關係佮連結的結束。畢業快樂，我真正多謝大學過程中幫助我的老師佮同學。
全站熱搜
留言列表
