Hongtin Tsok-gia̍p bāng

 有一條溪仔，伊真ài唱歌，河邊ê草仔，草仔頂ê杜猴，飛來飛去ê鳥仔，koh有其他ê動物，攏是伊ê好朋友。

    溪仔ê水清清，慢慢阿流，輕輕阿唱歌，狐狸倒tī樹仔腳，納涼兼歇睏。猴山仔kā伊當作鏡，逐工經過攏ē照來照去，看衫咁有穿好。小烏熊定定去hia釣魚仔，每一隻動物逐工攏會去hia做伙sńg。

有一日狐狸真緊張kā逐家kóng：「真奇怪，tú仔我經過溪仔邊，伊那會tiām-tiām，而且mā變ká烏烏。」

    猴山仔：「對阿！對阿！我透早去hia照鏡ê時，mā有發現，koh有鼻著真臭ê味。」 
兔仔：「阿!真恐怖。那會按呢？」

    小烏熊：「莫怪，我今仔日攏無釣著魚仔。」

    逐家真緊張討論起來：「溪水那會變烏？」「是不是伊破病阿？」「按呢後擺都bē使得去hia sńg阿！」

膨鼠：「行！逐家做伙來去看發生啥物代誌。」

「阿! 足tsōe lap-sap物件，這是tùi叨位來ê？」逐家攏驚一下。

    「小烏熊攏係你啦！逐擺食完pùn-sò攏tàn入去內底。」兔仔真受氣leh罵。

    「你也不是共款，定定去hia洗物件。」小烏熊應倒轉去。

逐家著大細聲來大細聲去，冤起來阿。

雄雄狐狸khiā講：「逐家咱做伙來整理清氣。」

to按呢，溪水又koh恢復以前ê模樣。