Hongtin Tsok-gia̍p bāng

題目:面冊ê心聲

最近幾年我真流行，毋管是佇學校ê教室，抑（ia̍h）是佇宿舍，甚至佇台灣直到全世界，攏看會著我ê影跡，濟干若天頂ê星光、塗跤ê狗蟻，算攏算袂了，我ê朋友plurk足欣羨我，因為伊 ê人氣比我閣較（koh khah）少，予我感覺誠光榮，連面頂也會發光，行路mā有風，實在非常ê歡喜。

        爲啥物我會遐爾濟人使用leh？因為我有足濟功能，你想會著應該攏有，像你是欲kah人開講、發表你ê心情，ia̍h是欲分享影片、新聞予人知影，甚至你若是無聊想欲耍game，內面仝款有一大堆隨在你揀，而且koh會使kah朋友對拍，真正是有夠趣味。

        有當時á，我發現人mā真巧，前幾工我看著一ê新聞，講著台南有一ê阿婆真可憐，逐工攏愛佇火車頭附近賣橡奶糊、糖仔趁錢，koh有三囡仔愛飼，彼三ê囡仔有ê生出--來就有毛病，有ê是後來破病，生活強欲過袂落去，所以有人將這項代誌貼佇我遮，mā有真濟好心ê人欲來幫贊這位阿婆，我看著mā真感動。俗語講：「有一好，無兩好。」有人利用我傳違法影片予人看，也有人利用別人ê戶頭做一寡陷害其他ê人ê代誌，雖然遮ê人已經掠--著，毋閣（m̄-koh）猶原希望逐ê會使好好使用我，毋通共我ê形象拍歹，安呢（án-ni），才會有愈來愈濟人佮意我，我ê路mā會使行較長閣較久。

修辭方法：

1.擬人：把面冊人性化。

2.比喻：紅色標記

3.誇飾：藍色標記

4.設問（有問有答）：咖啡色標記

5.對比：第三段ê好處kah歹處。

6.引用：青色標記