紅色目睭ê小狐狸
Tī森林中，有一隻紅色目睭ê小狐狸。
「為什麼我ê目睭是紅色ê neh？」
小狐狸望tio̍h天頂大大ê月娘，輕輕ê講tio̍h。
小狐狸ê sin-khu有大大小小ê傷，這是hō͘森林中其他ê狐狸咬傷ê。
因為紅色ê目睭，小狐狸hō其他ê狐狸討厭。
「你m̄是阮ê同伴！」
「你kap阮無仝款！」
「你有紅色ê目睭！」
某一工，小狐狸koh tú--tio̍h森林中ê狐狸。
森林中ê狐狸tui-kóaⁿ 小狐狸，大聲 âu-kiò
「死出去！」
「死滾出去！」
「離開這chit chōe森林！」
小狐狸真傷心真傷心， 即使身軀lóng真痛，小狐狸iáu也是無停ê走。
M̄知影走了jōa久，m̄知影到了 toh-ūi，小狐狸倒了落來。
「chia是 toh-ūi？」
小狐狸醒來後，發現家己tī完全m̄知影ê所在。身頂蓋tio̍h柔軟ê毛巾
，原來流血ê傷mā用白色ê pau-siong-pò͘包tio̍h。
「你醒來ah。」人類ê大手輕輕摸tio̍h小狐狸ê頭。
「是你救了我mah？為什麼beh救我neh？我已經無地方ē-tàng轉去了ah……」
Hit-ê人輕輕摸tio̍h小狐狸，溫柔ê bún-bún-á-chhiò。
He是小狐狸以前無看過ê，會想beh流目屎ê笑容。
「做我ê朋友，kap我做夥好否，小狐狸。」
小狐狸離開森林，全身是傷ê hō經過ê人類發現，帶了tńg去。
chêng-chit-khí，小狐狸tòa-tī人類ê厝中。
He是一間小小ê厝，無加額ê裝飾kap家具，但是真溫暖ê厝。
Ta̍uh-ta̍uh-á，小狐狸身上ê傷減少、mā無koh流血ah。m̄-koh人類ê身軀卻jú來jú無好，目睭jú來jú看bē清楚。
某一工，小狐狸忽然mn̄g人類。
「你為啥乜一個人tòa-tī森林外頭neh？」
即使目睭變kah霧霧無清，hit-ê人iáu-kú是溫柔ê笑笑，摸tio̍h小狐狸ê頭。
「我tit-tio̍h無法度醫ê病，因為chit-ê病ê關係，其他人lóng討厭我，避開我。
不過這mā是無法度ê，而且我mā無希望 òe-tio̍h͘其他ê人，所以一個人tòa-tī chia。」
Chit是小狐狸第一pái看tio̍h hit-ê人ê笑容感覺真傷心。
為tio̍h ē-tàng hō͘ hit-ê人歡喜，小狐狸每工lóng ê去挽花，有紅色、白色、黃色……無同顏色ê花。
（即使看未到花，無過ē-tàng鼻tio̍h花ê芳味）
（收tio̍h花時hit-ê人ê笑容，m̄是hit種看tio̍h會傷心ê笑容）
早起，小狐狸kap éng-siâng仝款去挽花，但是中晝tńg到厝後，卻是無看tio̍h hit-ê人。
伊四界 chhōe，甚至走tio̍h森林lāi，也是無看著hit-ê人，小狐狸pàng-siaⁿ-khàu。
「你teh chhōe hit-ê人類mah？hit-ê人類今á日離開chia了。」對小狐狸ê哭聲感覺ê烏鴉講tio̍h。
「人類kap動物是無仝款ê！你只是動物，你ē-tàng為伊做啥！」
小狐狸對烏鴉ê話感覺傷心，àⁿ頭講無出話。
留言列表
