close
我願意變做一座天橋，佇五百年之前等待你，毋管是風吹、雨拍抑是日曝，我只求你會使行過，予我見著你一面。
這年的花開，春天用花蕊寫一張批共我講：「我落佇塗跤的花蕊，是欲共你裝飾，為著予你見著伊一面，毋閣伊無行過。
這年的蟬叫，夏天用畢業時的歌聲共我講：「我唱出大聲的歌詞，是欲共你放送，為著予你見著伊一面，毋閣伊無行過。
這年的遠行，秋天用覕相揣的跤步共我講：「我揣著少女的影仔，是欲共你表示，為著予你見著伊一面，毋閣伊無行過。
這年的冬眠，冬天用冷吱吱的寒風共我講：「我擲掉所有的樹葉，是欲共你幫忙，為著予你見著伊一面，毋閣伊無行
過。
頂年過去，這年過去，一年閣過一年，每一工攏是一个五百年，五百年是一目眨；五百年是無法見。
我是一个等待了五百年的橋，毋管是風吹、雨拍抑是日曝，我只求你會使行過，予我見著你一面。
【技法】
將橋(其他)形容為人性的--擬人
中間的四行比喻的--排比
「每一工攏是一个五百年，五百年是一目眨」--頂文
第一段和最後一段有呼應--回文
【照片】
全站熱搜
留言列表
