close
我,逐日徛佇遮,看恁一个一个佇我身軀內行來行去,佇我身內辦公、讀冊、開會、開講……恁每日行來行去,干焦知影佇我身軀內食飯、上課會使開冷氣真涼真爽快,紲毋知影佇外口曝日頭的我是逐日踮遮看恁行來行去,著算只是開一个會,只有短短二、三十分鐘,恁這群夭壽骨矣!!! 是攏毋知恁加吹一分鐘的冷氣,我著愛加熱二分鐘嗎?!
蹛我身軀內食飯,便當味總是芳甲予我強欲凍袂牢!這群死囡仔!干焦知影家己腹肚枵愛食便當,攏毋知影我聞著芳味ma7腹肚真枵矣!
其實矣~無論寒天猶是熱天,大日頭猶是落雨天~只要是我擱徛佇遮,我永遠會予恁繼續佇我身軀內行來行去;不管恁有外夭壽,我也是會繼續為恁提供好的所在,予恁會使好好公、讀冊、開會、開講……。
擬人+誇飾
全站熱搜
留言列表