close
因為我直直袂記咧寫這咧作業，所以我決定佇咧我有想到的時一擺打兩篇，
按呢後禮拜就會當予我袂記一擺矣。
有時陣感覺我家己是一咧衝動的人，明明對這咧人亦無真深的了解，
煞將伊當作是好朋友，而且閣佮伊做了真多代誌，
無偌久伊使人討厭的所在就出現矣，毋過彼時已經袂赴了！
這幾个禮拜實在真熱，熱甲予人完全毋想欲出門，
逐擺出門攏會流汗流甲規身軀黏黐黐，
甚至我甘焦是出去外口一下仔，徛佇遐嘛無做啥，
手就會馬上變甲黏黏、不乾爽，這款的情形予我的心情真袂爽，
逐工攏想欲罵人，真正是煩死人矣！
時間過甲真快！咱欲升二年仔矣，有一款無啥真實的感覺。
全站熱搜
留言列表
