close
- 下暗阮物理治療系欲舉辦送舊典禮，是欲送大三的學長、學姊去實習，阮大一的學弟妹愛表演予in看，為著準備這擺的表演，阮對期中考了後就一直teh 練習，其中閣改過規个劇本，練到前幾工才歇睏，送舊是佇永豐棧酒店，阮愛穿甲足正式的，我穿西裝打領帶閣穿皮鞋，因為不習慣感覺足礙虐的。遐離大慶宿舍有一段路，閣加上下晡落大雨，只好叫計程車，做伙坐去酒店，到遐了後，阮看到學長姊嘛攏穿甲緣投、媠，遐的物件不是講誠好食，毋過菜色有足多項的，一項食一屑仔嘛會飽，顛倒是伊的甜點抑袂䆀，最後閣有冰會使食，送舊結束了後，逐家攏留落來翕相留紀念。
全站熱搜
留言列表
