close
日日夜夜攏是妳
嗡嗡咧叫像惡鬼
飛來飛去吵規眠
外號叫做吸血鬼
趁人teh睏沒張持
吸管tàu咧tiām-tiām飲
黑天暗地抓無妳
人睡妳醒無道理
逐工乎人攏失眠
目睭滿滿烏目墘
規面親像柱仔面
大腿親像紅豆冰
喙唇下旁腫歪歪
親像媒人點胭脂
乎人照鏡無呷意
透早心情攏拍壞
想起這段全肚火
準備掌聲賞乎妳
輸人絕對不輸陣
這擺妳就愛覺醒
看在身懷五六甲
需要營養不得已
乎妳一工快離開
可保孩兒沒代誌
誰知今暗又koh來
聲勢聽來像火槍
為著我ê好睏眠
為著我ê烏目墘
起床開火欲找伊
文風不動親像山
目睭展開金金看
耳仔開開斟酌聽
不管伊是甚物貨
看著黑影黑白打
大聲小聲聲聲起
絕對不肯放過伊
伊是可怕搞怪mih
飛遠飛近又轉踅
閃東閃西koh無去
躲在壁邊笑瞇瞇
乎阮憨憨khiā床邊
擺好屈勢等候伊
雄雄轉頭看到伊
不敢出聲走過去
手心直直乎落下
這下壞mih已除去
安安靜靜真歡喜
關火去睏到天明
全站熱搜
留言列表
