close
鳥鼠細隻真伶俐
定定爬高擱行低
想袂問伊佗位去
著急落跑無躕遲
大牛做穡真頂真
恬恬拍拚毋歇睏
無眠無日真不忍
叫伊乖乖轉去睏
虎的脾氣人人驚
隨時無命毋知影
拜託好心留一命
乎伊笑講真無膽
兔仔愛吃紅菜頭
塊著別人卡倉後
逐工走找欲昏頭
路尾找無哞哞哮
人人呵咾龍緣投
不時都咧照大頭
正經代誌放水留
發現錯誤才知哭
一尾大蛇來踅街
行到佗位人人罵
行到尾後足歹勢
只好回厝彈琵琶
馬仔下頦長長長
定定佮人攏咧耍
主人嘛是真𠢕算
𤆬伊四界趁錢銀
細隻羊仔關佇厝
倒佇土腳洗身軀
洗甲歡喜咧跳舞
看著憂愁攏全無
樹林全是瘦皮猴
講到爬樹怹尚𠢕
只要乎怹食金蕉
欲學人樣嘛會曉
雞母孵卵滿四界
著急叫人鬥相揣
甘講雞卵會曉飛
原來佇厝毋免揣
人講忠心好朋友
狗仔的名一定有
驚走歹人袂認輸
真正得到好名譽
豬仔豬仔真愛食
甘講你攏毋知影
毋是阮咧甲你嚇
大摳了後著知驚
全站熱搜
留言列表
