close
「緊咧！緊咧！上課欲遲到啊！聽講這節課愛點名。」
逐工攏有真濟人從我遮經過，恁欲去的地點可能攏無仝，但是，鐘仔聲影響著恁的跤步，毋閣無要緊，不管好天抑是歹天，我攏會靜靜仔佇遐，保護恁安全上下課。對矣，昨天看著一個人，趕欲上課煞來跌倒，流不少血，毋知伊現在按怎矣？
「喂！妳食飽沒？中晝欲食啥？」
下課的時陣，定定聽著這句話，毋知是逐家日子越來越難過，抑是上課真正累，哪會透早就聽著中晝餐的代誌？
「聽講………」
有時陣，來來去去的人遐爾濟，會使聽著真濟秘密，數量比各大媒體閣較濟，內容一个比一个刺激，誰佮意誰這類算事小代誌，查甫、查某佇遮比長度、比大小嘛是定定有的代誌，聽佮我攏歹勢矣！最近，閣聽到幾個查甫咧講著「少年射過山，老來滴跤盤」我想真久，無知in是按怎會接到這句話，嗯……「讀冊有數，性命愛顧」逐家愛較保重咧！
「晚安！今晚愛好好矣休睏喔！」
「時間欲到矣！再會！」
看向另外一邊，查甫和查某宿舍外口，一對一對的男女，嗯……牽手、抱做伙已經算是普遍級，抑閣有人喙too相偎，嘛無知in是咧做啥？我無法度陣動，所以，一直無辦法看清楚。
從上課到下課、從早時到晚時、從拜一到拜日、從寒假到暑假，我一直攏佇遮；毋管好天抑是歹天、毋管你幾年，我嘛一直攏佇遮，不管佇學校抑是出社會，愛永遠記得我，我是陪伴恁四年的天橋－－－面頂寫著國立臺中教育大學彼khoo。
修辭：設問、摹寫、譬喻、類疊、引用
全站熱搜
留言列表
