Hongtin Tsok-gia̍p bāng

      總算是佇第十二鐘聲敲煞了後，生出一篇閣會看的作文啊，臭頭仔明共作業收進去冊包，趕緊上床欲去甲周公耍。

     臭頭仔明是一個國小一年仔的學生，伊的鼻空外口永遠攏有兩條真明顯、白白、長長、黏黏、閣會牽絲的鼻水，看起呆來皓呆號呆；功課永遠遲交，逐天 都咧予 老師罰徛，阿那講著耍，伊尚gâu，掠蟲去嚇驚查某學生、peh樹仔、帶一陣囝仔去偷挖番薯，定定著有人來taû。今仔日著是因為伊閣變一寡出頭，予老師罰寫作文—我要如何當個好學生，明載日若是無交，著一禮拜下課毋使出去耍，這對臭頭仔明來講根本著是一種折磨，所以今仔日無論安怎攏要完成。好咧佳在，總算寫出來阿，因為用腦過多，所以伊一倒落，四肢著無力。佇臭頭仔明微微阿欲睏去的時陣，伊甘那有聽到細聲的講話聲：「天啊，我若會hiah衰 ! 主人逐拜寫物件攏一直叫我上場，親像tú仔彼篇作文，著予我走一、兩百擺，真正是有夠忝!」

小雨絲(刪節號):「小豆豆(逗號)，我才欣羨你定定出來運動。無親像我，已經足久無出來表現阿，袂輸予人打入冷宮咧，咳~」
這咧時陣，小耳朵(問號)、小鼻涕(驚嘆號)、小米粒(頓號)三個手牽手，才對區樂園耍轉來，非常歡喜，突然間看著麻吉朋友—小雨絲(刪節號)佇遮哀聲嘆氣，趕緊行過去問原因，經過小豆豆(逗號)的解說了後，

小耳朵(問號)講:「美麗的~卡歡喜咧啦~你嘛知影咱的小主人—臭頭阿明，伊才讀國小一年，益閣有真濟益袂曉，等伊知影妳的功用了後，妳著有表現的機會阿，所以這嘛無免煩惱。」

小鼻涕(驚嘆號)講:「是啦，是啦!小耳仔講了無錯，妳maì閣想想遮濟。喔!妳看，天頂的月娘親像妳的目珠赫呢大閣圓!」

小雨絲(刪節號)笑咧講:「好啦! 真感謝恁對我的呵咾，我知影恁逐家是為著我。毋閣，我的目珠無赫呢可怕，好無!」

看著小雨絲(刪節號)已經會使有講有笑，逐家攏真歡喜，一邊吃點心，一邊欣賞月色，阿那小豆豆(逗號)早著因為操勞過多，睏共不知佇位去阿!

      隔轉工，臭頭仔明去讀冊。今仔日，老師教大家欲安怎使用其他的標點符號，臭頭阿明不知是毋是吃毋對藥仔，竟然真緊著學會曉，閣會當正確使用，真正有夠厲害，全班攏共伊phah-pho̍k仔。自從這擺吃到甜糖了後，臭頭仔明決定欲重新作一個「人見人愛的好兒童」，尚重要的是，伊所愛慕的人—阿嬌，會恰意伊。

     佇一個月娘真光的暗暝，遮群古錐的標點符號組一個樂團，欲表演予認真小主人—臭頭仔明。小耳多(問號)是指揮，小雨絲(刪節號)是歌手，小鼻涕(驚嘆號)是小提琴家，小米粒(頓號)是鋼琴家，最後出場的是小圈圈(句號)和小豆豆(逗號)這兩位真gâu講笑虧的主持人。 

「啦!啦!啦! 主人，主人，真厲害，毋驚困難向前行!伊永遠是阮的第一名，主人，主人，阮愛你!」
微微中，臭頭仔明甘哪有聽到有人佇咧唱歌予聽，「呵呵，一定是我咧眠夢，一 定是…一定…」

      今晚的月色猶原益是遐爾美麗。


擬人、誇飾、譬喻、感嘆、排比