Hongtin Tsok-gia̍p bāng

位拄高中起來讀大學嘛有一冬寡矣時間--ah，這一冬發生誠濟--ê代誌，有歡喜--ê嘛有艱苦兮，每一工--ê課程無同創造出來--ê趣味嘛無同款。

我--ê大學生活逐工攏過了足踏實擱足滿足--ê，阮班每一--ê同窗攏有家己--ê特色，有--ê講話無頭神，有--ê個性卡壓霸，有--ê溫柔體貼，嘛有--ê足活潑好玄，真正係「一樣米飼百樣儂｣，逐個儂攏是阮班--ê重要角色。

底這一冬--ê時間當中，我無若學到足濟課本頂面--ê學問，嘛學到足濟生活中--ê知識擱有做人做事--ê道理，siōng-kài重要--ê是交到足濟--ê好朋友。無擱嘛發現人性當中siōng脆弱--ê一面恰足恐怖--ê一面，親像有一寡朋友會因為足簡單--ê代誌來變面，足好--ê朋友嘛會因為一寡儂--ê生話來無講話，甚至講出足濟傷害感情--ê言語。欲冤家足簡單--ê，無擱欲和好卻是足困難--ê代誌，就算是本來足好--ê朋友嘛有可能因為誤會煞來歹看面無相借問，所以我正經感覺有誤會就愛大聲講出來，誤會透開了後互相之間嘛會擱卡珍惜這段緣份，朋友--ê感情就會越來越好。