Hongtin Tsok-gia̍p bāng

愛按怎面對人生的不如意?

咱每一个人從小漢到大漢攏咧追求成功，但是生活中定定有不如意的代誌，像佇讀冊的時陣會遇到考試考毋好，佮父母意見未合，交朋友無順利，越來越大漢，可能會遇到生意失敗，佇感情上男女朋友分手的問題，但是人生不如意的代誌十有八九分，欲安怎面對佮解決才是尚重要的！人講「一枝草，一點露」，只要堅持麥放棄一定有辦法解決。

之前我有聽過一个演講，是一个國小課文的作者，本來佮一般人同款健康、快樂，但是伊在五十多歲得到家族遺傳的病－小腦萎縮症，做什咪代誌攏需要有人幫忙，連洗身體、去廁所也是，像伊來阮學校演講，從大門到台頂，一般人行1分鐘著到啊，伊愛行30分鐘，毋過，佇伊看到有的患者自小漢著發病，講話講未清楚，未凍上課交朋友，有的甚至活未過15歲，伊才發覺講自己會凍過五十多冬正常人的生活擱有家庭，已經足好運啊！伊講：「困難，困難，困住厝內什咪攏難；出路，出路，出去行行才有路。」所以伊去找到一括佮伊得同款病的人，互相鼓勵，打拼做復健，吼伊到病情賣惡化這緊。佮因相比阮个煩惱擱算什？看伊勇敢面對自己的問題，而且想辦法復健、活嘎快樂，吼我真感動，所以每遍我面對不如意的時陣，馬上會想起伊勇敢樂觀的態度。