Hongtin Tsok-gia̍p bāng

我上甲意兮季節

  一年有四季，春去秋來每一個季節攏有伊無仝款兮特色恰美麗兮所在，春天百花開，遊賞好景致；熱儂溪水清，心涼脾肚開；秋天楓仔紅，爬山唸歌詩；寒儂梅花開，霜雪了後又春天。每一個季節攏有伊婧兮所在，嘛有伊乎儂感覺無舒適兮所在，親像春天後母面，喊變就變乎儂無法度準節；寒天寒咻咻，熱儂足燠悶，所以我上甲意兮季節就是，拄拄好兮秋天。毋會傷燒熱嘛毋會傷寒，而且秋天兮景致足迷儂，係一個美麗擱乎儂感覺足舒適兮季節。

  秋天兮景致乎儂上感動兮就係，黃金色兮日頭光照底紅帕帕兮楓仔葉頂面，乎歸粒山頭擱卡美麗，乎儂看著非常溫暖，深深感受著秋天兮氛圍；底秋風輕送西暗暝，和厝裡兮儂作伙出去散步，舒適兮秋風吹底面兮，甲無歡喜攜代誌對著秋風吹甲遠遠遠，心肝裡足輕鬆兮。

底秋天兮下晡，和厝裡兮儂準備一寡點心，躺底公園兮草埔，乎秋風底面兮跳舞，參厝裡兮儂講心內話，看著欲落山兮日頭，食著媽媽用滿滿兮愛準備兮點心，正經係人生一大兮享受。嘛足希望時間會當停落來，永永遠遠享受這個無煩無惱兮時間。

  足濟時陣攏希望秋天永遠未消逝，秋天是那爾好，那爾美麗。溫度誠拄好無足寒所以會使食冰，無足熱食火鍋嘛足享受，秋天兮好處實在是講未完，景致美麗擱有好食兮物件通享受，真是「一兼二顧摸蜆仔兼洗褲｣。所以秋天對我來講係一個無地嫌兮季節啦！

  每一個季節攏有伊特別兮所在，毋管好壞攏一定有儂假意，所以咱愛接受別儂兮意見，無需要批評，因為春夏秋冬攏有伊迷儂兮所在，每一兮儂兮意見攏係應當受到尊重兮，甲意一兮季節恰甲意一個儂同款，攏係家己特殊兮眼光，做好家己，家己兮人生毋需要參考別儂兮意見。就親像我甲意秋天兮婧，假意秋天拄拄好兮溫度。

秋天----一年四季我上甲意兮季節，嘛係我上界驕傲兮，我愛秋天

我想秋天一定嘛愛我。