Hongtin Tsok-gia̍p bāng

以前以前，tī一個艷陽高照ê好天氣中，一對孔雀夫妻生出了六隻孔雀寶寶，每隻看起來lóng可愛動人，唯獨有一隻長ê kap其他孔雀無joā仝款，大家lóng取笑伊長ê像火雞，大家lóng叫伊[醜到bē-sái]，tùi án-ne就koh再chit種環境之下，伊飽受折磨，生活上tú-tio̍h重重困難，ná親像是其他兄弟姐妹已經學會曉如何開屏，伊á是bē曉，無論伊怎樣努力，mā á是phah不開，正當伊感覺真絕望之時，有一隻tī族裡算是真有名望ê孔雀伸出援手幫助伊，hō͘伊tùi基礎技巧開始學起，並且會適時ê鼓勵伊[khiā起來]，雖然大家lóng叫伊[醜到bē-sái]，但是chit隻善良ê孔雀lóng是kā講伊:[mài管其他人怎樣講，活出家己，你就是siōng亮眼ê孔雀。]就tīchit種ê鼓勵之下，伊努力ê練習所有伊學tio̍h ê技巧，希望有一工真正thang成做出色ê孔雀。
Tú好一年一度ê孔雀選美大會到了，每隻孔雀無不卯足全力，爭奪冠軍，每隻孔雀lóng開始爭奇鬥豔，互相khah勁，就是為了獲得[全森林siōng美ê孔雀]以往醜到bē-sái lóng是逃避chit種活動，畢竟伊ê外型比起其他兄弟姐妹來ê遜色真chē，但今年tī善良ê孔雀鼓勵之下，伊報名了chit項比賽，其他孔雀知影了，lóng等到比賽hit工看伊ê笑話。
到了比賽hit工，醜到bē-sái上台，眾人一陣唏噓，忽然刷ê一聲，醜到bē-sái kā伊ê屏phah開，光澤四射，色彩鮮豔，是其他孔雀比不上ê，大家lóng tī驚呼這是歷年來比賽看過siōng美ê，每隻孔雀lóng目瞪口呆，chit時善良ê孔雀上台kā大家講:[siōng謙虛ê人，lóng是會kā家己ê光澤藏起來，好來照亮其他人。]其他人才恍然大悟，kan-ta管外型koh再án怎ê不起眼，一定有hō͘人讚賞ê優點，只是iáu無被激發出來，boē-sái看輕別人。