close
母親節一年一年咧過，逐年攏佇餐廳食腥臊，逐家攏真歡喜，阿媽嘛收禮物收到嘴笑目笑。自細漢阿媽就上疼我，我嘛上愛阮阿媽，阿媽就親像我的阿母，無論啥物代誌攏是為我設想，我感覺我真幸運，會使做阮阿媽的孫子，較早母親節對我來講是真歡喜的節日，毋過當我漸漸大漢我煞顛倒無佮意母親節，因為時間一年一年咧過，阿媽嘛一年一年咧老，我上大的願望就是有孝阿媽，予阿媽過好日子，我真正希望阿媽會使健康長歲壽，雖然我這馬無啥物能力，但是我相信阿媽愛的毋是物質，是囝孫有孝的心。
全站熱搜
留言列表
