已經足久無六个人做伙去耍，因為這个學期逐家的時間攏無法度配合，昨總算是完成這个願望啊，就是去唱歌！足好笑啦，每一擺明明無啉酒，逐家攏耍到一直笑，笑到腹肚痛！唱歌的足認真，但是就有人佇頭前烏白跳舞，無就是逐家攏一直食物件、開講，唱歌的抑是無受到影響一直唱家己的。
昱君後擺愛記得紮證件啦！孟璇大部分只會曉中間彼段，頭前攏烏白唱，無閣跳舞尚厲害啊！青姿閣睏去啊啦！有夠譀，其他人足吵，伊嘛照常睏。文琇尚愛偷偷翕相，趁你沉醉佇歌曲的時陣抑是咧跳舞的時陣。欣鈺是唱懸音的高手喔！其實阮這群，無啥物適合夜間的活動，逐家攏耍到足忝，毋過久久一擺會使啦！希望逐家的感情會一直遮爾好
全站熱搜
留言列表
